Qaraqalpaqstan Respublikası Ministrler Keńesiniń Baslıǵı

Qaraqalpaqstan Respublikası Ministrler Keńesiniń Baslıǵı

Ermanov Farxod Urazbaevich

 

Tuwılǵan sánesi: 30.04.1958

Tuwılǵan ornı: Ámiwdárya rayonı

Maǵlıwmatı: Joqarı

Pitkergen:

• • • • 1981-j. Tashkent irrigaciya hám awıl xojalıǵın mexanizaciyalastırıw injenerleri institutı;
      • 1996-j. Tashkent mámleketlik ekonomika universiteti.

Iskerligi:

• 1975-1976-jj. Ámiwdárya rayonı Manǵıt qalası profilaktika-dezinfekciyalaw bólimi jumısshısı;
• 1976-1981-jj. Tashkent irrigatcya hám awıl xojalıǵın mexanizaciyalastırıw injenerleri institutı studenti;
• 1981-1983-jj. Ámiwdárya rayonı «Manǵıt» xojalıǵı avtomexanigi;
• 1983-1995-jj. Ámiwdárya rayonı «Manǵıt» xojalıǵı bas injeneri, direktorı;
• 1995-1998-jj. Ámiwdárya rayonı hákimi;
• 1998-2002-jj. Ámiwdárya rayonı «Manǵıt» xojalıǵı baslıǵı;
• 2002-2003-jj. Ámiwdárya rayonı hákiminiń awıl hám suw xojalıǵı boyınsha birinshi orınbasarı, rayonlıq awıl hám suw xojalıǵı basqarması baslıǵı;
• 2003-2004-jj. Ámiwdárya rayonı awıl hám suw xojalıǵı bólimi baslıǵı;
• 2004-2004-jj. Qaraqalpaqstan Respublikası Ministrler Keńesi Baslıǵınıń awıl hám suw xojalıǵı boyınsha sekretariatı baslıǵı;
• 2004-2010-jj. Qaraqalpaqstan Respublikası Awıl hám suw xojalıǵı ministri;
• 2010-2018-jj. Beruniy rayonı hákimi;
• 2018-2018-jj. Xorezm wálayatı hákimi wazıypasın atqarıwshısı;
• 2018-2022-jj. Xorezm wálayatı hákimi;
• 2022-j. – h.w.sh. Qaraqalpaqstan Respublikası Ministrler Keńesiniń Baslıǵı.

Mánzil: Nókis qalası, Ǵárezsizlik kóshesi, 50 úy

Puqaralardı qabıllaw kúnleri: Hár hápteniń dúyshembi kúni saat 16:00 den 18:00 ge shekem Ministrler Keńesi imaratı, puqaralardı qabıllaw xanasında (1-qabat).

 

 

Qaraqalpaqstan Respublikası Ministrler Keńesi Baslıǵınıń

funkcional wazıypaları

• Qaraqalpaqstan Respublikası Ministrler Keńesiniń Baslıǵı ekonomikanıń, sociallıq hám materiallıq tarawdıń nátiyjeli jumısına basshılıq etedi. Ózbekstan Respublikası nızamları hám Ózbekstan Respublikası Oliy Majlisiniń basqa da qararları, Ózbekstan Respublikası Prezidenti húkimleri, qararları hám buyrıqları, Ózbekstan Respublikası Ministrler Kabineti qararları hám buyrıqları, Qaraqalpaqstan Respublikası nızamları hám Qaraqalpaqstan Respublikası Joqarǵı Keńesiniń basqa da qararları, Qaraqalpaqstan Respublikası Joqarǵı Keńesi Prezidiumı qararlarınıń orınlanıwın támiyinleydi;
• Qaraqalpaqstan Respublikası Ministrler Keńesiniń Baslıǵı Ózbekstan Respublikası nızamları hám Ózbekstan Respublikası Oliy Majlisiniń basqa da qararları, Ózbekstan Respublikası Prezidenti húkimleri, qararları hám buyrıqları, Ózbekstan Respublikası Ministrler Kabineti qararları hám buyrıqları, Qaraqalpaqstan Respublikası nızamları hám Qaraqalpaqstan Respublikası Joqarǵı Keńesiniń basqa da qararları, Qaraqalpaqstan Respublikası Joqarǵı Keńesi Prezidiumınıń qararları tiykarında hám olardı orınlap, Qaraqalpaqstan Respublikasınıń barlıq aymaǵında orınlanıwı shárt bolǵan qararlar hám buyrıqlar shıǵaradı;
• Qaraqalpaqstan Respublikası Ministrler Keńesiniń Baslıǵı Ózbekstan hám Qaraqalpaqstan Respublikası Konstituciyaları hám «Qaraqalpaqstan Respublikası Ministrler Keńesi haqqında»ǵı Nızam tiykarında jumıs alıp baradı;
• Húkimet jumısına basshılıq etedi jáne onıń óz wákilliklerin nátiyjeli ámelge asırıw ushın ia-ilajlar qabıl etedi;
• Qaraqalpaqstan Respublikası Joqarǵı Keńesine, sessiyalar aralıǵındaǵı dáwirde Qaraqalpaqstan Respublikası Joqarǵı Keńesi Qospa májilisine Qaraqalpaqstan Respublikası Ministrler Keńesi Baslıǵı orınbasarların hám Qaraqalpaqstan Respublikası Ministrler Keńesi aǵzaların tayınlaw hám lawazımnan azat etiw haqqında usınıslar beredi;
• Ministrler Keńesi Baslıǵı orınbasarları arasında wazıypalardı bólistiredi hám keyinirek onı Ministrler Keńesi Qospa májilisine tastıyıqlawǵa usınıs etedi;
• Qaraqalpaqstan Respublikası Joqarǵı Keńesine, sessiyalar aralıǵındaǵı dáwirde Qaraqalpaqstan Respublikası Joqarǵı Keńesi Qospa májilisine Qaraqalpaqstan Respublikası ministrliklerin, mámleketlik komitetlerdi hám basqa mámleketlik basqarıw uyımların dúziw jáne jumısın toqtatıw haqqında usınıslar kirgizedi;
• Qaraqalpaqstan Respublikası Joqarǵı Keńesi Baslıǵına rayonlar hám qala hákimlerin tayınlaw hám lawazımınan azat etiw haqqında usınıslar kirgizedi;
• Ministrler Keńesi jáne onıń Qospa májilis jıynalıslarına basshılıq etedi;
• Ministrler Keńesi jumısında kollegiyalıqtı támiyinleydi;
• Ministrler Keńesiniń tiyisli komissiyaları hám keńeslerine basshılıq etedi hám olardıń jumısın muwapıqlastırıp baradı;
• Ministrler Keńesi jáne onıń Qospa májilis jıynalısında dodalawdı talap etpeytuǵın mámleketlik hám xojalıq basqarıwdıń ayırım máseleleri boyınsha qararlar qabıl etedi;
• óz wákilligi sheńberinde nızam tárepinen belgilengen basqa wákilliklerdi de ámelge asıradı.

 

Qaraqalpaqstan Respublikası Ministrler Keńesi Baslıǵınıń orınbasarı

 

• Qaraqalpaqstan Respublikası Ministrler Keńesi Baslıǵınıń finans-ekonomika hám kámbaǵallıqtı qısqartıw máseleleri boyınsha birinshi orınbasarı
• Qaraqalpaqstan Respublikası Ministrler Keńesi Baslıǵınıń qurılıs, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı
• Qaraqalpaqstan Respublikası Ministrler Keńesi Baslıǵınıń orınbasarı – Investiciya hám sırtqı sawda ministri
• Qaraqalpaqstan Respublikası Ministrler Keńesi Baslıǵınıń awıl hám suw máseleleri boyınsha orınbasarı
• Qaraqalpaqstan Respublikası Ministrler Keńesi Baslıǵınıń jaslar siyasatı, sociallıq rawajlandırıw hám ruwxıy-aǵartıwshılıq jumıslar boyınsha orınbasarı
• Qaraqalpaqstan Respublikası Ministrler Keńesi Baslıǵınıń jámiyetlik hám diniy shólkemler menen baylanıslar boyınsha orınbasarı
• Qaraqalpaqstan Respublikası Ministrler Keńesi Baslıǵınıń orınbasarı – Shańaraq hám hayal-qızlar komiteti baslıǵı
• Qaraqalpaqstan Respublikası Ministrler Keńesi Baslıǵınıń turizm, mádeniyat, mádeniy miyras hám ǵalabalıq kommunikaciyalar máseleleri boyınsha orınbasarı – Turizm hám mádeniy miyras ministri